GEWRÊ

E-Posta Gönder

Gewrê keçek delal û pir rind

Wê deng dabû li nava gûnd,

Ferman ji evînê bibû sermest

Qelen da û wî çû gewrê xwest,

Piştî bû şev roj çû bû ava

Her dû bûne bûk û zava,

Bi hevre jiyan her dû dildar

Li wan derbazbû meh û sal,

Zarokek wan çêbû kêfa wan hat

Rabûn navê lawikê xwe kirin welat,

***

Gûdî hatin gotin pîrozbe ser bixêr

Ferman rabû berê xwe daye bajêr,

Gelekî bi kêf û bi lez çû mêrdînê

Ji bona nasnama lawikê xwe bînê,

Daxwazname da destê ( mûdîr)

Ew ( mûdîrê nebaş neyar û pîr,

Daxwazname xwend kir zirte zirt

Ew rabû bi herdû destê ferman girt,

***

( ûlan) dawilyû tû nizanî qedexeye

Ew di elfaba me tirka de tûneye,

Îroj te ez qeherandim pir gelek

Ev nav çênabe ( eşek oxilî eşek)

Ew navê terorîsta te û kê çawa danê

Kelepçekin ferman biavêjin zîndanê,

Ferman tirsiya lerizî û gote çiye derman

(mûdîr beg) min xelaske ji vê bela giran,

(mûdîr) rabû giran giran gote ferman

Belê ezê te xelaskim ji vê bela han,

***

Lê ji boy bibe gernas û qahreman

Ezê lêkim navekî ji navê bapîran,

Paşnav çelîke û nav deynim tûran

Jibîr neke zû bin berxê dûv beran,

Ferman bidizî digo neraste ev gotna han

Ma kê û kengî navê bapîra kirbû tûran,

Li gûnd herkesî digotin welat

Ev nav gelkî biwa xweş dihat,

Welat temenê wî bû pazde sal

Xortekî bejin bilind û pir delal,

Sozekda got ezê tim bikim qencî

Li cîhanê tûcar nakim qet xerabî,

***

Ew bûye sofîkî pir nezan û odlar

Dayik bindest perîşan bav jî hejar,

(emir)bû nozde got ezê bibin hecî

Wê şevê bû mêvan wî kalê qûdîsî,

Jêre gotî xwişk tazî welat bin destî

Ka bi çi rengî û çawa tê bibe hecî,

Welat bi ya kalê qûrdîsî nekir

Çû mekê wî li wir heca xwe kir,

***

Vegeriya û ew çû ekseriya bê bext

Çû operesyonê paşde berik li serî ket,

Li wir ew ket û li ekseriyê mir

Gora wî kolandin li binê gir,

E’mirê wî çû bû li mizgeft û keniştê

Welat mir çû ber dergehê bihiştê,

Ew melekê mezin gelekî bi hêz

Navê qenca li bihiştê dikire rêz,

Banê kirê jêre got navê te çiye

Û tû kiye ji kûye ji kijan esliye,

***

Ez kûrdim ji kûrdistan navê min welate

Ka nasnama te di rêzêde deynim navê te,

Welat nasname xwe da destê melek

Melek xwend madê wî xerabû gelek,

Di nasnamêde welat tûneye tûran heye

Însanê bê nasname cîhê wî li vir tûneye,

Gote tû li min dikî xap fen û derew

Cîhê te qet li bihiştê tûneye hew,

Bi hêz herdû destê welat girt

Ew avêt liser gora binê gir xist,

***

Welat rabû li ser gora xwe rûnişt

Derd û keder dil tijê bû şîş û xişt

Welat got bi soz min nema kir qencî

Ta li cîhanê saxbim tim bikim xerabî,

Qet wî nema tûcaran qencî kir

Ta şêst û pênc salê nebaş kir,

Li ser trê bû (şifêr) li dihokê qeze kir

Perçe perçe bû li ser wê rêçê ket û mir,

Qet kesî meytê wî jî nas ne dikir

Cendekê wî bê xwedî mabû li wir,

Berê wî dane dojehê ba zebanî

Zebanî ban kir got nasname te kanî,

Welat got em kûrd bê nasnamene

Bi qirikê girt (siktirbe) her cihê x

Zebanî welat avêt li binê bestekê xist

Bê nasname qebûl nake ne doj ne bihişt,

Rabû ser xwe herdû tilî bilid kirin û got

ÊDÎ BESSE BESSE BÊ WELAT NAMEŞE

ME QEBÛL NAKE NE BİHİŞT Û NE DOJ E