BIHAR

Bi dawî bû sibat û dest pê kir adar Îca neqş û rengên xwe eşkere kir bihar28.02.2013 21:51

BIHAR

Gava cîlweya ismê Fettah tecellî kir

Dîsa gula bi rengê nebewî pel vekir.

Her der bû meydana heşrê û şiyar bûn nebat

Jî reqsa nebatan mesrûr bûn tev heywanat

Zirûh giş ji kêf û eşqa biharê hatin cezbê

Dema rahmet ji indê wî qetya û derket ji xeybê

Kirase rengîn li xwe kir û şên bû siruşt

Sêhra rengan welat wergerand mîna bihuşt.

Ji erd hetta ezman her der xwe xemiland

Nûra ji kenza wî hat, kainat tev şemiland

Bi dawî bû sibat û dest pê kir adar

Îca neqş û rengên xwe eşkere kir bihar

Hatina xwe bi baranek çil esrî da me xeber

Ji bo mizgina biharê bidin bişkivîn dar û ber.

Roj û hewa, ax û av; dan hev dest bi dest

Ba û behna gul û giya em kirin sermest

Sosin û nergîs; ew gul û beybûn

Li hemî zozan û deşten me vebûn.

Li devê çeman, li ser çiyan vebûn kulîlk

Şadbûn bilbil û bextewar bûn çivîk.

Îca wê li şevîne dest bi çere bikin pez

Gundî, birîn û merdanê dikin li nav rez.

Gelek dewlemende, em têr nabin ji welat

Bila pêşde here de ka bikin cehd û xebat.

Ez Emre Mehenî, yek ji meftûnê biharê

Xwedê da me umir û me dîsa dît ve carê.

Emre MEHENÎ
28 Şubat 2013

Diğer KÜRTÇE ŞİİR haberleri

İsim : Yorum Misafir olarak yorum yapıyorsunuz. Üye Girişi yapın veya Kayıt olun.